Nu rappulo ‘e limune… (Il giardino si trova presso Ruocco hause)

 

Nu rappulo ‘e limune….

 

Nu rappulo ‘e limune

comme a chiste

quanto vale ?

Quanto a nu vaso

ca vaie cercanno a me

appena trase.

e ati dduie ca io cerco

ancora a te

ca me vuò bbene

e dice comme a che

a chi

è cchiù bello ‘e me,

pecchè nun saccio

pecchè ‘o ddice

e pecchè t’accacce.

 

Nu rappule ‘e limone

‘e chisti tuie

è na saluta ‘e cchiù,

ca me vuo bbene

pe darme a chi stu sanghe

dinte ‘e vvene

‘a forza ‘e te vulè

ancora ‘o bbene

ca dint’’o core sente

quanno te tengo mente

o m’arricordo ‘e te

e ‘o ddoce ca tu tiene

e io te piglio

tutt’’e mumente

ca me staie vicino.

Luntano a te

ciardine comme a chisto

addò ‘e trove.

E’ comme  na gallina

ca fa ll’ova

ca danno na salute

‘e pataterno.

 

Gioacchino Ruocco

Ostia Lido 07.12.2020