‘A lasagna

 

‘A lasagna

Che te mange ? ‘O bbene ‘e Ddio ,
ca sta dint’a sta lasagna.
Ce sta tanta ‘e chell rrobba

ca int’a n’anno

‘nn ‘o consumo.

E muglierema me fa:
- Assaggialla, ‘mpont’’o musso.
Si sapisse quant’è bbona.
Ce agge mise dudice ove
p’’a farina e ‘o rignemiento,
‘o salame paisano,
carne trita e mozzarelle
e na bella ricuttella,
parmigiano a vuluntà,
peselline primavera
c’’a ventresca, ‘e cepulline
sale, pepe e vino janco
p’’a dà gusto e cunzulà.

Nu ragù ‘e pummarola,
sempe ‘e chelle ppaisane,
steve a cocere ‘a nu juorno,
ma che ddico ‘a na semmana
ca cchiù ‘o cuoce…
ma sta attiente
ca nun addà piglià sotto
ca si no nun è cchiù bbuono
manco dint”o votta votta..

A chi ‘a presiente.
‘Nzomma. Sta lasagne
é nu turmiente.
Cchiù l’assagge
e cchiù te cagne ‘e sentimente.
Quant’è bbona !
Chi la fatta
tene overo ll’arte ‘e mmane.
Guagliunciè, dammece sotto
si no dura na semmana.

Gioacchino Ruocco
Ostia Lido 11/02/2013