'O bagno d''a riggina di Gioacchino Ruocco

 

‘Nterra Surriento

ll’aria è sempe fresca

scioscia o nun scisce ‘o viento

e ll’uocchie tuie

m’abbruciano stu core

quanno te penzo e more

‘e nustalgia

ca sto luntano a te

pe chi sa quanto.

 

Liggenno sti pparole

quancuno sfuttarrà:

- Ma site santo vuie ?

Chi sa che sta facenno

sta guaglione

e chi chi nun s’arrenno

guardanno ll’uocchie suie

e tutto ‘o riesto.

 

Si nun tenesse ‘a fà

io me ne jesse ‘o capo

‘o bbagno d’’a riggina

Llà ‘o bagno se fa annure

senza la mutandina,

senza custume,

senza na penna,

cu ttutte cose a fore

cu ttutto ‘o bbene ‘e Ddio

ca ce hanno miso ìncuollo

ca quanno torno a gallo

pare nu pappavallo,

ca parlo, parlo

e nun accocchio niente-

 

Nterra Surriento

ll’aria è sempe fresca

scioscia o nun sciosce ‘o viento

e ll’uocchie tuie

m’abbruciano stu core…

Quanno te penzo  io more…

 

Gioacchino Ruocco

07.09.2020 Ostia Lido