Nun vedevo ll’ora .......

Nun vedevo ll’ora …

 

Nun vedevo ll’ora

‘e m’accidere ‘e fatica.

Nun vedevo ll’ora

‘e turnà c’’a capa sotto

pe turnà a casa a sera

cu na speranza nova

cu qualcosa dint’’a sacca

ca nun è n’aiuto ‘e stato

ca so na parte ‘e chello

ca t’hanno già levato.

 

Io so stato sempe onesto!

Che me costa

quanno ‘o riesto è ancora chillo

ca me fa sta cchiù tranquillo.

‘n aggia dà niente a nisciuno,

ca si allonga ‘a mano

è p’aiutà qualcuno

songo spiccele ma songo

chello ca pe me nun spengo.

Certi vvote me trattengo,

certi vvote aspetto

pe vedè quan’è ‘o mumento

pe ‘n offennere nisciuno.

 

Nun so chillo ca dispenza

‘o pacchetto ‘e maccarune.

ma so’ chillo  c’’a sempe penza

‘e nun fa male a nisciuno.

E facito stu miraculo,

crdo c’’o putito fà

ca na pezza nnante ‘a vocca

nun ve costa proprio niente,

ca si ‘e diente ‘un ve lavate

che ve dice so fetiente,

songo gialle p’’o tabacco

c’ogne tanto mazzacate.

 

Simme frate. Nun ‘o simmo ?

Ma si ‘o fossemo facimmo

chello ca ce vene chiesto

pe campà pe n’atu ppoco

e ogne tanto a ppiccià ‘o fuoco,

ca cucimmo  

duie spaghette a barzanella.

Juste doie pummarulelle

fritte dint’ a na tiella

ca sia ‘e ramme è ancora meglio

mentre l’acqua coce ‘a pasta

juste juste quant’avasta

p’’e perzone ca ce stanno

a chell’ora dint’a casa.

Me ne faccio quatto file

juste juste p’’a mangiata

‘a reclame nun ‘a faccio

m’adda essere ‘e Gragnano.

 

Gioacchino Ruocco

Ostia Lido        17.09.2020  06.26

 

Fraternamente

All’On.  Carla Ruocco

e

amorevolmente a mia nipote

Jane Ruocco

Nun vedevo ll’ora … Nun vedevo ll’ora /‘e m’accidere ‘e fatica./ Nun vedevo ll’ora /‘e turnà c’’a capa sotto pe turnà a casa a sera cu na speranza nova cu qualcosa dint’’a sacca ca nun è n’aiuto ‘e stato ca so na parte ‘e chello ca t’hanno già levato. Io so stato sempe onesto! Che me costa quanno ‘o riesto è ancora chillo ca me fa sta cchiù tranquillo. ‘n aggia dà niente a nisciuno, ca si allonga ‘a mano è p’aiutà qualcuno songo spiccele ma songo chello ca pe me nun spengo. Certi vvote me trattengo, certi vvote aspetto pe vedè quan’è ‘o mumento pe ‘n offennere nisciuno. Nun so chillo ca dispenza ‘o pacchetto ‘e maccarune. ma so’ chillo c’’a sempe penza ‘e nun fa male a nisciuno. E facito stu miraculo, crdo c’’o putito fà ca na pezza nnante ‘a vocca nun ve costa proprio niente, ca si ‘e diente ‘un ve lavate che ve dice so fetiente, songo gialle p’’o tabacco c’ogne tanto mazzacate. Simme frate. Nun ‘o simmo ? Ma si ‘o fossemo facimmo chello ca ce vene chiesto pe campà pe n’atu ppoco e ogne tanto a ppiccià ‘o fuoco, ca cucimmo duie spaghette a barzanella. Juste doie pummarulelle fritte dint’ a na tiella ca sia ‘e ramme è ancora meglio mentre l’acqua coce ‘a pasta juste juste quant’avasta p’’e perzone ca ce stanno a chell’ora dint’a casa. Me ne faccio quatto file juste juste p’’a mangiata ‘a reclame nun ‘a faccio m’adda essere ‘e gragnano. Gioacchino Ruocco Ostia Lido 17.09.2020 06.26 Fraternamente All’On. Carla Ruocco e a mia nipote Jane Ruocco