Cchiù ‘e na vota….

 

Cchiù ‘e na vota….

 

Si tu nun ti  si accorta

‘a morte aggio scanzata

cchiù ‘e na vota.

Me gira attuorno

comme  a tutte quante

fino a ca

nun addevento santo.

 

Ma comme faccio io

ca nun ce crede

ca penzo sulamente

‘e vule bbene

a chille cchiù vicine

e cchiù luntane

cu a stessa simpatia ?

 

Pe me contene ‘e fatte

ma chille ca nun è capace

che colpa tene

si tene paura

e chiede aiuto

quanno  nun ce ‘a fà

e s’’a fa sotto pure a chiammà aiuto ?

 

Invece io

ca guardo ‘nfacci’ ‘a gente

e penzo sulamente

ca si nisciuno parla

nisciuno è cchi ‘nnucente

me faccio ‘nnanze

e ‘o faccio sulamente

 

e fa chello che pozzo

pecchè è facile avè paura ‘e llate

si nuie ‘nce ‘a facimmo primma a lloro.

Chi vene ‘a fora,

comme nuie simme jute a ll’ati pparte

penza  ca pure isso ‘o po’ fà

chello ca io aggio fatto.

 

Cercammo ‘e dà na mano a chi putimmo.

Dimane quanno passeno ‘a parola

sicuro pigliarranno n’ata via

mettenno spie ‘ngiro p’’o capì.

Ogge che simmo nuie ‘e chistu munno

ca ce chiurimmo a dinto

pe farce a miezo juorno ll’uovo pinto ?

 

Simmo capace ‘e cantà

pecchè nuie simmo pe lloro

l’ombra d’’a felicità

pure si ce accerimmo

comme qualcuno fà.

Quanno vedimmo a uno ca sta male

nuie simmo ‘e primme a correre

 

pe dà na mano,

nu piezzo ‘e pane

ca dint’’e mmano avanza o nun avanza

pe nun ‘e fa suffrì dulure ‘e panza

e ‘o penziero ‘e na casa luntana

addò chi ‘o sa si ce rurnarranno

comme nu juorno Gesù a Betlemme.

 

Gioacchino Ruocco 

Ostia Lido              17/09/2020      -   21.44