Asteco e cielo…

Asteco e cielo i’ chesto so’ pe te.

I’ songo na jurnata ‘e primmavera

quanno fa friddo ancora,

quanno nun saie che fà,

comme ti ha vestere

p’’o tiempo ch’è indeciso ogne mumento.

I songo chillo ca nun saie che vo’,

quanno vò vevere e quanno vò mangià.

L’unica cosa che m’è rimasta a dicere

‘e ca te voglio bbene ‘a tantu tiempo

ca me ritruove affianco pure si è maletiempo,

quanno nun ride ‘o cielo,

quanno se ‘ngrogna

e te puo’ ‘nfonnero senza ‘a na zampogna.

Quanno ‘o cielo è cchiù bello

e cammenamme fianco affianco

cu nu gelato mmano

pure si è primavera appena ‘a na semmana.

Si tu me pienzo i’ sto vicino a te

ogge, dimane e sempe

comme si nun tenesse niente ‘a fa.

Tu si ‘a fatica mia. E chi te lasse ?

Nu posto comme a chisto addò ‘o trove ?

Si scinne ce facimme quatte passe

fino ca stanco m’addorme affianco a te

cu l’uocchie uno apierto e n’ato ‘nchiuso

pe nun perdere l’uso ‘e te guardà

mentre te sonno e stongo a suspirà.

Gioacchino Ruocco

Ostia Lido     23/05/2012

Inserita nella raccolta “Suspire ‘e miezojuorno”
pubblicata su questo blog