Me staie sceppanno ‘e ppenne…

G. Ruocco - Tufo - 1984

Me staie sceppanno ‘e ppenne ancora viva.

Ma quanno chistu puzzo sarrà asciutto

a che t’attacche cchiù c’ormaie ‘o llutto

è sulo na pratica ‘a sbrigà ?

Si avisse ntiso quanno te parlavo

ca ire ‘o core ‘e mamma ‘a piccerillo

tenesse ancora ncapa ati capille

ca so’ cadute pe stu dispiacere.

‘A vita è nnera quanno ‘nn ‘a daie luce

cu ’a ggioia ca ognuno ‘e nuie tene,

ca si pigliave ‘a me ca so’ sincera

pazziave sempe comme faccio io

ca pure nun dicenno ‘e ccose ‘e Ddio

tengo nu core c’arrefresca a ll’ate,

ca primme ‘e me mangià chello ch’è mio

l’aggio spartuto già nzieme cu ll’ate.

Gioacchino Ruocco

Ostia lido    24/04/2013

Inserita nella raccolta “ Traduzioni dal greco”