Comme fa friddo…

Comme fa friddo !

E’ ll’urdemo d’abbrile.

Fore ‘o terrazzo

Stanno ‘e sciure a sbattere

Dint’’a nu viento ‘e terra,

po’ dint’a cchille ‘e mare.

M’all’impruvviso

te si strignuta a mme

cu nu surrisso

ca m’è allargato ‘o core.

T’aggio strignuta a mme

e ‘o paraviso

è riturnato nterra

nziem’a te.

E ‘o tiempo pare mò

ca ce scunfina

cchiù luntano ‘e sta marina

addò te stò abbraccianno

comme a n’anno fa.

Addò penzavo ‘e perderte

facenno ‘o pare e dispere.

I’ prorpio ‘nn ‘o capisco

‘a vita comme và.

Te guardo e nun ce credo.

Me sento ncuollo ‘a freva

ma so’ felice, oj ne.

Gioacchino Ruocco

Ostia lido,           27/04/2013

Inserita nella raccolta " Poesie a ll'acqua 'e rose"