I’ sento nustalgia…

Dal Blog "Il gusto dei ricordi"

Stanno ‘int’ a casa

‘o tiempo me va stritto

ma si guardo fore

nun me manca niente.

Però i’ me ne iesse

nziem’’o viento

vulanno attuorno

e ‘int’’o ciardino affianco

pure si songo stango.

Nun fa niente

ca ogne strata è llonga,

ma ll’aria nfaccia

me ritorna ll’anema,

‘a voglia ‘e aspettà

chi nun ritorna

ca nun po’ turnà.

Comme so’ belle

‘e culure ‘e chesti ppiante !

E comme è ddoce ‘o chianto

si te penzo.

E ogne penziero,

comme a n’amico,

o comme a furastiero

me mette mille voglie ‘e te cercà

comme si ‘o munno attuorno

fosse nu suonno

e cu stu suonno

ce può pazzià.

Comme si jucasse accuvarella

e quanno po’ te trovo

si cchiù bella.

Guarde ‘int’’o specchio

si tu nun me cride

e dimme si o no quanno te vide.

Gioacchino Ruocco

Ostia Lido ore 16.07

Pubblicata su

Il gusto dei ricordi in data 27/04/20130 ore 16,17

Inserita nella raccolta " Poesie a ll'acqua 'e rose"