'E gnuoccole

Nu piatto cavero

nun m’è maie mancato.

‘E vvote basta

nu felillo ‘e pasta

ca quanno l’è assaggiata

è già fenuta.

L’età nun vo’

ca io m’abboffa ‘a panza

pe chesto spezzecheio:

nu muorzo ‘e pane

‘o na patana

cotta sott’a cennere

‘e na vrasera

quase a tarda sera

ca t’è passata ‘a voglia

‘e tutte cose,

ma t’è rimasta

comme a nu penziero.

Na noce

è na abbona cumpagnia

pe nu bicchiere ‘e vino

‘e chello bbuono,

ma quanno tiene famme

pure ‘e truone

te fanne piacere e t’arrecrie.

Ma quanno t’arricuordo ‘e na ricetta

e tiene tiempo pe te sfezzià

è meglio ca sta voglia t’’a faie passà.

Nu gnuoccolo, ma quanno t’’o cucino ?

Na pummarolà quanno ‘a faie pippià. ?

Susennete matina

o quanno tiene tanta cose ‘a fa ?

Gioacchino Ruocco

Ostia Lido         20 gennaio 2013