Si saglio ‘nparaviso 'nzieme a te,
pecchè me ne faie scennere
chiagnenno
comme si avesse perzo o sto
perdenno
‘o ppoco ‘e bbene ca m’è dato tu
?
E’ meglio c’’o chiarimmo chistu
fatto
ca io nun sto mangianno ‘int’’o
piatto
’e chi nun tene famme o spezzechia
e ca campammo ‘nzieme ormi’ ‘a
tant’anne.
E si facimmo ‘o juoco ca facimme
é pe nun dà ‘mpurtanza ‘e male ‘e
cape,
a chiù ‘e na parola ca dicimme
senza penzà doie vote e per la
quale.
‘E vvote t’acchiappasse e te facesse
chello can un te faccio e ca nun
voglio,
chello c’’a dinte ‘ mmane tu me
scippe
sfruntate comme si, comme te
voglio.
Quanno te guardo smeccianno
appena
te pigliasse ‘int’’e braccia a
mal’appena
me passo nu penziero dint’o core
pe me scurdà stu tuorto e stu
dulore
ca quanno tu me gire ‘e spalle
pare
’o munno se fa cchiù peccerillo e
io te perdo a nu mumento a n’ato
comme si ‘e me nun fusse
‘nnammurata,
comme a n’estraneo ca nun
ricanusce,
comme a nu viento ca trascina ‘a
mare
‘e ccose ca sule ‘nterra stanno
bbone
chello ch’è ddoce e perzo se fa
amaro.
Nu juorno ‘e chistu, doppe fatte
‘e cunte,
si ‘a spunte tu ce vengo
sulamente
si m’assicure ca overamente
me vuò almeno ‘bbene ca i’ do’ a
te.
Pecchè si ‘o paraviso nun è ccose,
ca nun fa bbene comme pienze tu
vedimmece dimane a casa mia
ca m’arricorda tant’’a giuventù.
Nun sempe ‘o paraviso è per la
quale,
na si carretta o leggere ‘o
giurnale.
Vulese sta cu tte fino a dimane
fino a c’’o tiempo nun deventa
eterno
comme a stu quaderno addo i’
scrivo
si me vuo bbene o tiene nu currivo.
Lassamme stà! L’addore ’e chesti rrose
‘o sente pure ccà quanno me staie
vicino e cirche sta vocca p’’a vasà,
quanno me passe nu poco ‘e
mandarino
e ‘o tiempo corre senza d’’o
cuntà
comme si stesse ancora a te
sunnà.
G. Ruocco
Ostia Lidio, 22 maggio 2012 ore
15,00ù
Inserita nella raccolta " Suspire 'e miezojuorno"
Autore: Gioacchino Ruocco
Titolo: POESIE UMORISTICHE
LIBRERIA ARCADIA DI SILVIO GESUELE
