‘Ogge ch'è tempesta .... a Cinzia Ruocco di Ruocco House

 ‘Ogge ch'è tempesta ....

 

‘Nterra Surriento

ogge ch’è tempesta

che se trove ê bbuono

si dint’’o ciardino

‘a menesta s’è appiciuta ?

 

N’ombra ‘e tristezza

e ‘a resata toia

ca cerca ‘e na caccià

dicenno scio’

comme cu ‘e galline

quano ‘e vuò fa turnà

dint’’o gallinaro ?

 

Viate a chi te trove

e te sta vicino

fore o dint’a stu sciardino

ca te truove attuorno

ca te dà pace e ‘a voglia ê ce restà,

ca cure senza scuorno

facenno d’’e quatte mure

addò tiene casa

na reggia

senza n’arraggia,

cu tanto sentimento

ca te sento sempe cuntenta

c’’a voglia ê ‘n a lascià

manco pe chelli ccose

ca pareno cchiù meglio

ca sulo lloco ‘a gioia toia

po’ campà

o dint’a ll’acqua ê mare…

 

Gioacchino Ruocco

Ostia Lido  -  28.11.2021