Si appiccio ‘o ffuoco

Si appiccio ‘o ffuoco

ancora a miez’juorno

nun è sulo

pe na cumpagnia.

A mangià sulo

proprio ’un se ne scenno

e ‘o sennuzzo

ca me veno quanno agnotto

me strozza quase quase

ca nun se po’ mangià

chiagnenno.

Si nun ce stisse  cchiù

dint’a sta casa

io a chi m’appengo ?

So’ cchiù ‘e vvote

ca io me trattengo

ca chello ca  me sfogo,

me leve ‘a cuollo

tutt’a malincunia

ca me faie veni

quanno me dice

ca nun te stò a sentì,

ca faccio sulo e sempe

‘e capa mia.

Ma nun se po’ campà

senz ‘a n’idea

penzanno  sulamente

a ‘e fatte proprie.

Vedè ca tante se ne vanno

e nuie ca campammo

‘e nustalgia

e pe quanno torneno,

pe quanno hanno bisogno

ancora ‘e nuie.

E a chillo ca ce chiamma

chi ce penza ?

Gio Ruocco

Ostia Lido  23.10.019