pare na festa ‘e Vagne

‘A campagna

pare na festa ‘e Vagne

quanno se sceta ‘a vierno

e s’accumpagna

cu ‘e primme sciate frìsche

‘e primmavera.

Nun è paese ‘e neve

chistu nuosto.

Vicino ‘o mare

spira ‘o maistrale

ca pare tale e quale

a chi se lagna,

fa tosse ogne mumento

e nun sparagne

lamiente e sacramnte.

         

Ogne mumento è bbuono.

‘A copp’’a porta ‘e casa

‘e nuvele ca traseno

me fanno chiagne ‘o core.

Sperammo ca nun more.

Ce manca qualche ghiuorno

e stammo fore

ma ‘o sole ‘ncielo sparpete

‘a reto a qualche nuvela.

Spero sultanto

c’’o viento se n’’a porta

si pure a mmare

va facenne tuorte

a chi ha calato ‘a rezza

e sta vucanno ‘nterra

pe nun ‘a perde

primma ca fa tempesta.

Gioacchino Ruocco

Ostia 09.01.019