‘O maistrale

A Peppe c’ancora ‘a pippa

fuma ogne tanto,

ll’unica cumpagnia

ca ll’è rimasta,

pare però

c’’a casa un l’avasta,

a miez’’o juorno

gira e vota ‘a pasta

dint’’o piatto

manco tenesse ‘o sfratto.

 ‘A pressa a isso

nun l’avasta maie.

Aesce ‘e notte

e resta fino a gghiurno

fore casa.

M’appena trova a uno:-

Stanotte nun ‘o saie ch’è succieso.

‘O saccio ca tu ‘a notte

vaie cantanno

e vaie ‘ngiro

sempe pe surche ‘e ll’ate.

E’ ‘o maistrale

ca nun me fa durmì.

M’allummo a pippa

e me ne vaco attuorno.

09.01.019  Ostia Lido