Minori
Addò te trovo ?
Int’a qua’ chiazza ‘e verde staie ?
‘Nzieme cu ‘e limune,
aulive ‘o mandarine ?
S’appenne stu paese
e arriva a ‘o cielo
e tu ‘nziemo cu isso te ne vaie
campanno ‘e ccose belle
ch’isso tene.
Na vista ‘e mare
ca nu tene fine,
nu cielo
ca se perde addò
ca isso se sciogle
chianu chianu
e pare acqua,
na casa sulitaria,
nu suspiro
‘e chi saglienno va
pe turnà a casa
ca mmiez’’o verde
‘a perde ogni vota
e girannese attuorno
chi ‘o ssà si ‘a trova.
‘A capa m’avota
e ‘o core chiù pazzo ancora
pare ca more
e me lascia p’’a via
addò st’anema mia
nun sape si addà chiagnere
o cantà.
Gioacchino Ruocco
15.11.018 Ostia Lido
Nessun commento:
Posta un commento