Na vota eremo amice….

Na vota eremo amice,

ma mò te si ‘nguattata,

c’addà passata ‘a jurnata

diceva qualcheduno,

ma cchiù ‘o tiempo passa

e cchiù te faie arrasso.

C’adda succede ancora

ca io nun te capisco

ca io cchiù nun te pesco

ca cchiù nun t’addepisco

ca cchiù nun te capisco

ca capa fresca ca te truove.

Comme ‘a gallina

ca ogne tanta ll’uovo

ancora va facenno

tuorno tuorno

ca hi ‘o sa si ‘o truovo

tiene na capa nova

ca nun capisco cchiù,

nu core ca si more

nun lascia sentimente

‘a chiagnerse p’’a perze

Ormaie gira a smerza

‘o munno mio pe te.

Nun ce capimmo cchiù!

Io ce vulesse mettere

na pezza, nu rinaccio,

ma chello ca m’accaccio

nun te piace cchiù.

Pe te io so nu straccio…

Appena nu pezzaro

torna se fa vedè

piglie e me cagne

cu qualche tazza vecchia

c’’o sicchio ca te serve

pe ate can un saccio

mentr’io me lavo ‘a faccio

pe me levà ‘e lacreme

c’’a dint’a ll’uocchie cadeno

‘ncuollo a stu straccio e ommo

ca m’ha ridotto tu

pigliannete tutt’’a giuventù.

Gioacchino Ruocco

Ostia Lido 30.01.2021 h 08.20

pubblicata anche sul Blog "Gente di Stabia"