Me more ‘e friddo

Me more ‘e friddo

comme a nu sciallo viecchio

comme a na petaccia

ca se straccia

appena ‘a miette ‘ncuollo

c’’a ll’aria ‘e fresca

nun le piace ‘e stà

pe troppe chiuove

c’hanno tene uto appesa

ca ‘nacapa tene

ancora qualche chiuovo

ca ‘o tiempo suio

pure s’è spassata.

Me more ‘e friddo.

L’anema addulurata

me fa senti a ‘e piere

‘e qualche croce

ca ‘ngiro ancora

ce ne stanno tante

e sante troppo poche.

Si tu ce cride cride,

ma cride a qualche cosa

comme ‘o mio,

ma penza e penza

pure si a credenza è chiena

e a chi ‘n ‘o tene

e campa dint’’e ppene

e ‘un trova ancora ‘a forza

‘e fa chello ca vò,

‘e vennere ‘o cummo

cu ttutte ‘e bbene

ca ce stanno a dinto

tenennese sultanto

a chi è pinto

p’’e juorne ca restano

comme a n’eternità

c’ancora nun s’arrenna

‘un vò passà.

Gioacchino Ruocco

15.12.019   Ostia Lido