Ma quantu bbene 'e Ddio.....

                 


                    Ma quantu bbene 'e Ddio.....

Cu ‘e male ‘e panza

ca me faie venì

m’avanza tanta rrobba.

‘E vvote è sbobba

ca quanno uno sta sulo

manco ll’acqua cauda

è bbuono a fà.

Vedenno st cannuole

appriparate

qualcuno m’’o mangiasse.

‘O riesto che ne faie  ?

‘E llasse ? A chi ?

Si ‘e miette ‘o ffrisco

so’ bbuone

pure ‘o juorno appriesso.

Ma si vaie ‘e presse

pe ‘un ‘e fa perdere,

nu pare d’ore bastano,

tre ore so’ già troppe

si nun tiene nu ‘ntuppo

si ‘un te siente male,

si ‘un te vene nu sturbo.

Si po’ vuò cumpagnia,

damme na voce

ca subbeto

me vide ‘nnant’’a porta.

Ca cchiù ne scrivo

e cchiù sento ‘o gulio

è ‘a tanto ca ‘un ne mangio.

Ma quantu bbene 'e Ddio !

Gioacchino Ruocco

ostia Lido   03.12.019