Quanno ‘e figlie se ne vanno.....

Quanno ‘e figlie se ne vanno

Quanno ‘e figlie se ne vanno,

si nun tiene ‘o core tuosto

quanno ‘a spanne na culata

che ne faie si avanza ‘o ppane,

comme ammiereche ‘a jucata

‘e nu juorno ca va stuorto.

Si si pate, si si mamma

nun te dico niente ‘e nuovo.

Si ‘a gallina ha fatto ll’uovo

te ce faie na frittata,

si nu pullicino è zuoppo

‘o regale a qualcun’ato.

Fore ‘a loggia

che ghiurnata è sciuta ogge.

Si ce stesseno ‘e gaugliune

nu piatto ‘e maccarune

e ‘a pazzià tutt’’a jurnata

a chi ‘a dice assaje cchiù grossa.

Mò nun so’ cchiù piccerille.

Ogge m’arricuordo ‘e strille

ca aiere ‘un suppurtavo.

Comme è scemo chistu core

quanno passa ‘o tiempo

e accummnci’ a cuntà llore.

Quanno fuie ‘o turno mio

me giravo sempe attuorno

pe truvà ‘a via justa.

Si guardava a mamma mia,

ma fuie essa ca dicette

figlio mio:- E’ chisto ‘o juorno.

Staie luntano, sempe sulo

ce sintimmo è overo, mà

si hai bisogno ‘e qualche cosa

mamma toia nun ce stà.

E che faie cu chi t’’a piglia.

Penza a farte na famiglia.

Quanno ‘e figlie se ne vanno

nun ‘e corre cchiù appriesso

Quanno po’ te siente perzo,

vota ‘o sterzo e tuorne ‘a casa

truove sempe qualche cosa

pe penzà a qualcun’ata.

Quanno arriva na chiammata

tiene ‘e lacreme frenate.

Fa parlà chillo ca chiamma

ca po essere n’estreneo,

ma s’invece è Giggeniello

nu suspiro e po’ rispunne

C’accussì nun vaie a funno.

Sta a ssentì chello ca dice

pe capì che te vò dì.

Te vò fa qualche surpresa…

quanno vene a fino ‘o mese

forse.. ma ma t’’o dice  isso.

Ostia Lido 25.03.019