S’è miso a vviento......

 

S’è miso a vviento

‘o tiempo stammatina

c’ascì p’’o mare

cu narca a vela

nun me dispiacesse.

 

Quanno ‘o tiempo

 vola

ma  resta sempe ‘o stesso

te f’arrevà

addò nun ghìsse maie,

addò te scuorde ‘e guaie

e ‘o male tiempo

ca te corre appriesso

nu t’acchiappa maie.

 

S’è miso a vviento

ma ‘o mare

nun ne sta suffrenno

ca porta fore ll’onne

mentre ‘a marina

è chiena ‘e addore ‘e mandarine

c’arriva ‘a coppe ‘e cuolle

a ‘int’’e ciardine..

 

Comme  si ddoce

m’è fatto passà a freva

ca tenevo

e quanno t’avvicina

sottovoce

me pare ‘e sentì

‘e vattete d’’o core.

Si more o campo

nun te dispiacè

ca quanno sto cu tte

me scorde ‘o munno

ca si ‘e vvote a ffunno me ne vaco

basta nu vaso tuio

e torno a galla.

 

Gioacchino Ruocco

Sorrento   Ruocco House      29.08.2020