Pe comme è fatto ‘o munno

Pe comme è fatto ‘o munno

sultanto Ddio pare nicessario.

Te scuorde qualche cosa

e un t’arricuorde manco  tu chi si,

ma isso adò  se trovo trova

fa fa ll’uovo  a gallina

e va mettenno chiuove

p’appennere spugnielle

carreche ‘e pummarole,

si no ‘a barzanella

tu t’’a sunnasse

quanno è vierno tuosto.

Ognuno ‘e nuie vo ‘o suio

ma allate chi ce penza

si a regnere ‘a dispenza

nun c’è uno ch’è accorta

comme a zi Vicenza

can un scuranno ‘o suio

penzava p’’a vicina

ca se scurdava sempe

e Jì a fa ‘a spesa

comme a tanta ‘mpesa

ca passeno ‘e ghiurnate

sempe a parlà ‘e ll’ate

ma po te truove a nnante a porta

a dummannarte n’aglio,

na scarola, nu micciariello

ch’è poco ‘int’a na casa

e p’appiccià na vrasa

ce ne vonno duie

ca ‘o primmo nun s’appiccia

ma c’’o siconde ‘a spiccia.

Pe comme è fatto ‘o munno

cu na vicina ‘e casa comme a te

va sempe a ffunno

si nun m’arrangio ‘a me.

Quanno io faccio assigno

ca me staie vicino

me trovo senza pane

e senza ‘o semmulino,

senza ‘’a butteglia d’uoglio

ca te ‘mrestaie aiere

senza cepolle e aglio

comme a nu furastiere

ca quanno io te busso

tu sempe m’addumanno:

Chi site, chi ve manno

E chi me po’ mannà

Me miette dint’’a necessità

ca pure ‘e ccose mie

t’aggia veni a chiedere

e cu ‘e bbone maniere

ca ‘e vvote me rispunne

ma quanno , m quanno

can un tiene cchiù

ca l’ahie cunzumato.

Forse cu te stu Ddio

nun è nicessario

ca t’aggio ‘ntiso aiere

risponnere: Cagnate aria.

- Ccà nun ce sta nisciuno.

Ogge me tocca sta pure diuna

e io comme a nu fesso

a chiagnere pe te. Fa ‘o stesso

basta c’arape ‘a porta.

Te veco ancora viva

ca manco pe currivo

ce ‘a faccio cchiù cu te.

Gioacchino Ruocco

Ostia Lido           22.02.2020