Campammo murenno
tutt''e juorne
cchiù d''o nicessario
e nun se trova pace nu mumento
pe ce guardà
cu uocchie
ca nun restano estranie
a 'e guaie 'e tanta ggente.
Parlamme e parlamme tutt''e juorne
ma 'a cosa brutta
è ca restammo indifferente
a chello ca succede
attuorno a nuie.
Quanno me sceto
e ce ne manca uno
me sento nomme 'e niente,
uno ca parla, strilla,
ma niusciuno 'o sente.
Chi dice ca simme troppo
nun ha capito niente
si simme resperate
e senza niente
ca ce fà campà.
So' nnato 'int'a nu vico,
eremo ciente,
mò chille ca ce stanno
so' uguale a niente
c''a sera quanno torno
e trovo cu ll'uocchie chine 'e viento,
'a vocca chiene 'e parole,
nu core chino 'e tante sentimente
ca me fanno lavà 'a faccia chiagnenno
p''e gioie ca me danno
e me guardano cuntente
ca so' turnato ancora
comme si 'o munno
riturnasso a ll'oro
ogne vvote ca torno
'nziemo a ll'ata ggente
ca vanno 'ngiro
a guaragnà 'a jurnata
pe se levà
'a famma 'a cuolle
e dà qualcosa
a chi nun tene niente.
Ll'ate
so' sule na maniate...
indifferente
comme 'e tempeste ca passeno
e nun lasciano cchiù niente
ca ce arricorde 'e vivere o campà.....
Gioacchino Ruocco
Ostia Lido
24.09.019 / 05.06
Nessun commento:
Posta un commento