Nun tengo cchiù voglia...

Giancarbon - Chitarrista

E’ quase na semmana ca tengo

certi ccarte pe mmane

e ‘nun  ‘e leggo.

Nun tengo cchiù voglia

‘e me ‘npurtà

cchiù ‘e niente.

si na refola ‘e viento

se ne porta appriesso

chello che nnun è fermato.

Quanno te dico na cosa

chell’è.

Quanno me dice na cosa

nun è.

E allora, c’aggia fa ?

‘A pacienza ca tengo

nn’avasta.

Si chiù lesta 'e nu lampo

e io nun tengo cchiù scampo.

Dimame…

ma è passata n’ata semmana

pazzianno accussì.

E chi nun ‘o capisce

songh’io sultanto

Ca nun stongo a sentì

pecchè quanno tu parlo

chi 'o ssà io a che penzo.

L’unica cosa

c’aggio capito

é ca tiene ‘o prurito

ogne vote

ca tengo ‘a che fa,

e accussì

quanno te tocco

chianu chiano

m’abbocco

e me passa ‘o penziero

'e chello ca iere

me faciste passà.

Che pacienza !

Ma chella che tengo

nun ‘o saccio si avasta.

Si ‘a pasta s’è cottà

nn’’a voglio scarfà.

Gioacchino Ruocco

Ostia Lido             20/07/2012



Inserita nella raccolta "Suspire 'e miezojuorno"
di Gioacchino Ruocco