Ogge te penzavo..

 

                                                           Ma che ne faie ‘e sta malincunia

Tu ca si capace ‘e fà ridere

a chi ste sta vicina,

c’addure a ciente passe

‘e ogne penziere tuie

c’’a cerevella e ‘o core

songo capace ‘e cernere

miez’a chello ca tu faie,

ca saie comme fà,

comme si fatta

e chello ca te piace.

 

Tu si capace ‘e fà

ridere nu core

ma tu te ne muore ‘e malincunia

quanno staie sola

pure mmiez’a  via

ca te riporta ‘a casa.

 

Viato chill’ommo

c’ancora te vo’ bbene

addò io penzo

sicura te ne staie

dint’’e bracce soie

e t’’o guardo speruta

ca t’’o mangiasse a mmuorze

chianu chianu

senza penzà a dimane

tanto ch’è gruosso,

c’ancora ce ne stà

Gioacchino Ruocco

Ostia Lido 05.02.2021