Ruocco a Reggio Emilia

Na nnammurata mia era rigina.

Chesta era ‘a via a ddò ‘a canuscette

nu mese ‘e maggio ‘e tantu tiempo fa.

Mentre passavo ‘a llà

I’ rummanette  guardannele

comme a nu baccalà

seccato ‘o sole

Che ce facevo ?  Era p’’a fatica.

Ma po’ ce rummanette

pe stà ‘nziemo cu essa.

Pe me era ‘a cchiù bella d’’o paese!

E quanno maie

na guagliona brutta è stata nziemo a me ?

Quanno dicetto

che m’ero nnammurato

‘e na riggina

qualcuno rispunneva: ma si matto!

Me vuò fa fesso o me so’ distratto.

ca ere ‘e Reggio, nisciuno me capeva,

ma po’ vedennece   vicine

ognuno me facette  n’espressione

ca era sulo p’’a bellezza toia,

ca nun ce steva a pare una cchiù bella.

Quanno fernette però sta jacuvella

ognuno ‘e lloro se permettete ‘e dicere

ca ero nu cafone pirciò m’ivo lasciato

ca io putevo sta cu na riggina

sulo pecchè

t’evo ‘mbrugliata, oj ni,

chella matina.

Gioacchino Ruocco

Ostia Lido              19.04.016

RUOCCO ROSA

Via Nagy Imre 19 - 42124 Reggio Nell'Emilia (RE)tel: 0522 942748