ll’uocchie tuie….

I chiù ce penso e cchiù nun c’è nisciuno

ca tene ll’uocchie tale e quale tuie

comme a stu mare ca cagne ogne mumento

da azzurro a verde quase a tradimento.

E cchiù te guarde ‘e chiù me sente ‘o core

astrinto astrinto fine a farme male

ma ‘o male ca io provo è comme ‘o bene

cchiù me faie male e chiu te voglio bene

e cchiù m’astrigne e cchiù songo cuntento

comme a quanno mamma m’astrigneva mpietto

pe nun me ne fa i’ comme a ll’auciello

c’appema mette ‘e ppenne vo’ vulà.

Cunzuoleme c’aggio bisogno ‘e bbene,

cchiù me ne daie e cchiù n’aggio bisogno

ca so’ rimaste ormai  sule ‘e ppene

ch’’e juorne bbelle so’ nu ricordo, oj ne.

Gioacchino Ruocco

Ostia Lido       06/05/2013

Inserita nella raccolta “Traduzioni dal greco”